केज येथे शाळकरी मुलाचे अपहरण !

केज/प्रतिनिधी

८ वीच्या वर्गात शिक्षण घेत असलेल्या एका शाळकरी मुलाचे अज्ञात व्यक्तीने अपहरण केल्याची घटना केज शहरात घडली. केज शहरात अजीजपुरा भागातील वाहनचालक सत्तार लतीफ पठाण यांचा मुलगा (१४) मोहंमद सत्तार पठाण हा शहरातील स्वामी विवेकानंद विद्या मंदिर या शाळेत इयत्ता ८ वीच्या वर्गात शिक्षण घेत आहे.

तो १ डिसेंबर रोजी सकाळी १० वाजता शाळेत जातो असे सांगून घरातून बाहेर पडला. घरी परत आला नाही. दरम्यान अज्ञात व्यक्तीने मोहंमद पठाण या शाळकरी मुलाचे अपहरण केले,केज पोलिसात अपहरणाचा गुन्हा दाखल झाला आहे.त्रिंबक सोपणे हे पुढील तपास करत आहेत.